Batman Petrolspor, 3 hefte beriya ku sezon biqede, serketiya koma xwe garantî kir û derbasî Lîga 1. a Trendyolê bû. Bi vê serkeftina mezin, tîma sor û spî di sezonên pêş de dê di lîgeke bilindtir de bilîze. Li Batmanê niha kelecaneke mezin heye û alîgir bi coşeke mezin şampiyoniyê pîroz dikin.
Walyê Erdexanê Beşdarî Bernameya Mewlûdê û Mihrîcana Balafirokan Bû
Walyê Erdexanê Mehmet Fatih Çiçekli, bi helkefta 181emîn salvegera damezrandina Teşkîlata Polîsên Tirkiyeyê û Hefteya Polîsan, beşdarî çalakiyên watedar bû. Bername bi Mewlûda Şerîf a ku ji aliyê Midûriyeta Ewlehiyê ve li Mizgefta Navendî ji bo ruhê şehîdan hatibû amadekirin dest pê kir. Piştî tîlaweta Qurana Pîroz, ji bo şehîdên ku ji bo yekîtî û aramiya welat canê xwe dane, duayên xêrê hatin kirin.
Her wiha di çarçoveya pîrozbahiyan de ji bo zarokan jî "Mihrîcana Balafirokan" (firok) hat li daxistin. Di çalakiya ku li Stadyuma 80. Yıl Cumhuriyetê hat lidarxistin de, zarok ligel polîsan hatin cem hev û rojeke tije lîstik û şahî derbas kirin.
